Image may be NSFW.
Clik here to view.
കേരളത്തിലെ പ്രമുഖനായ ജന്തുശാസ്ത്രജ്ഞനും, ശാസ്ത്രസാഹിത്യകാരനും, കേരള ശാസ്ത്രസാഹിത്യ പരിഷത്തിന്റെ സ്ഥാപകരിലൊരാളുമായിരുന്നു ഡോ. കെ.ജി അടിയോടിയുടെ ജന്മവാര്‍ഷികദനമാണ് ഫബ്രുവരി 18.
1937 ഫെബ്രുവരി 18 തൃക്കരിപ്പൂരില്‍ കാവില്‍ കാമ്പ്രത്ത് ഗോവിന്ദ പൊതുവാളുടെയും കേണോത്ത് ലക്ഷ്മിപ്പിള്ളയാതിരി അമ്മയുടെയും മകനായി കണ്ണൂര്‍ ജില്ലയിലെ പെരളത്ത് ജനിച്ചു. പഠനം പൂര്‍ത്തിയാക്കിയ അദ്ദേഹം മംഗലാപുരം സെന്റ് ആഗ്‌നസ് കോളജ്, കോഴിക്കോടു ദേവഗിരി സെന്റ് ജോസഫ്‌സ് കോളജ് എന്നിവിടങ്ങളില്‍ അധ്യാപകനായി ജോലി നോക്കി. 1964-70 വരെ കേരള സര്‍വകലാശാലാ ജന്തുശാസ്ത്രവകുപ്പില്‍ ഫോര്‍ഡ് ഫൌണ്ടേഷന്റെ ഗവേഷണ പ്രോജക്ടില്‍ റിസര്‍ച്ച് അസിസ്റ്റന്റായിരുന്നു. കീടങ്ങളുടെ ന്യൂറോ എന്‍ഡോെ്രെകനോളജിയില്‍ ഇദ്ദേഹം നടത്തിയ ഗവേഷണങ്ങള്‍ക്ക് 1970ല്‍ പി.എച്ച്.ഡി. ബിരുദം ലഭിച്ചു. ഇതിനുശേഷം മലയാളം എന്‍സൈക്‌ളോപീഡിയയില്‍ ആറുമാസക്കാലം ശാസ്ത്രവിഭാഗം എഡിറ്ററായിരുന്നു. തുടര്‍ന്ന് കോഴിക്കോടു സര്‍വകലാശാലാജന്തുശാസ്ത്ര വിഭാഗത്തില്‍ റീഡറായി ചേര്‍ന്ന അടിയോടി 1977ല്‍ പ്രൊഫസറും പിന്നീട് ജന്തുശാസ്ത്രവകുപ്പു മേധാവിയും സയന്‍സ്ഫാക്കല്‍റ്റിഡീനും ആയി.
1977-78ല്‍ ബ്രിട്ടനിലും പിന്നീട് ജര്‍മനിയിലെ കോണ്‍(ഗീവി) സര്‍വകലാശാലയിലും ഫ്രാന്‍സിലെ പാരീസ് സര്‍വകലാശാലയിലും അടിയോടി ഗവേഷണം നടത്തി. ക്രസ്‌റ്റേഷ്യന്‍ പ്രത്യുത്പാദന ഫിസിയോളജിയിലാണ് പിന്നീട് ഇദ്ദേഹം ഗവേഷണം തുടര്‍ന്നത്. 199496ല്‍ കൊച്ചി ശാസ്ത്ര സാങ്കേതിക സര്‍വകലാശാല വൈസ് ചാന്‍സലര്‍ ആയി ഇദ്ദേഹം സേവനമനുഷ്ഠിച്ചു. യൂണിയന്‍ പബ്‌ളിക് സര്‍വീസ് കമ്മീഷന്‍ അംഗമായിരുന്നു
ഇന്റര്‍നാഷണല്‍ സൊസൈറ്റി ഒഫ് ഇന്‍വെര്‍ട്ടിബ്രേറ്റ് റിപ്രൊഡക്ഷന്‍ എന്ന സംഘടന രൂപീകരിച്ച അടിയോടിതന്നെയായിരുന്നു 1986 വരെ അതിന്റെ സെക്രട്ടറി ജനറല്‍. കേരള ശാസ്ത്രസാഹിത്യ പരിഷത്തിന്റെ സ്ഥാപകരില്‍ പ്രമുഖനായ അടിയോടി ദേശീയ ശാസ്ത്രവേദിയുടെ സ്ഥാപക പ്രസിഡന്റുമായിരുന്നു. ദേശീയഅന്തര്‍ദേശീയ ജേര്‍ണലുകളിലും ആനുകാലിക പ്രസിദ്ധീകരണങ്ങളിലും ഇംഗ്‌ളീഷിലും മലയാളത്തിലും 300ല്‍ അധികം ഗവേഷണ ലേഖനങ്ങള്‍ അദ്ദേഹം പ്രസിദ്ധീകരിച്ചിട്ടുണ്ട്. 2001 മെയ് 28ന് ന്യൂഡല്‍ഹിയില്‍വെച്ചാണ് അദ്ദേഹം അന്തരിച്ചത്.
