മണിരത്‌നത്തിന് മലയാളത്തിന്റെ യുവതാരം ദുല്‍ക്കര്‍ സല്‍മാനെ വളരെ ഇഷ്ടപ്പെട്ടെന്ന് തോന്നുന്നു. ഒ കെ കണ്‍മണിയ്ക്ക് ശേഷം മണിരത്‌നം സംവിധാനം ചെയ്യുന്ന അടുത്ത ചിത്രത്തിലും ദുല്‍ക്കര്‍ തന്നെ നായകന്‍. രണ്ട് നായകന്മാരുള്ള ചിത്രത്തില്‍ കാര്‍ത്തിയാണ് ദുല്‍ക്കറിനൊപ്പം എത്തുന്നത്. മണിരത്‌നത്തിന്റെ ഉടമസ്ഥതയിലുള്ള മദ്രാസ് ടാക്കീസ് തന്നെ നിര്‍മിക്കുന്ന ചിത്രത്തിനായി കോമാളി, ഉന്‍ പാര്‍വൈക്കു മട്ടും എന്നീ പേരുകളാണ് പരിഗണിക്കുന്നത്. ശ്രുതി ഹാസനെയും ഐശ്വര്യ റോയിയെയും നായികമാരായി പരിഗണിക്കുന്ന ചിത്രത്തിന്റെ സംഗീതം എ.ആര്‍.റഹ്മാന്‍. ഛായാഗ്രഹണം പി.സി.ശ്രീറാം. എഡിറ്റിങ് ആന്റണി.
The post മണിരത്‌നത്തിനൊപ്പം വീണ്ടും ദുല്‍ക്കര്‍ appeared first on DC Books.