മലയാള പത്രങ്ങളില്‍ കാര്‍ട്ടൂണ്‍ പംക്തികള്‍ക്ക് തുടക്കമിട്ട കാര്‍ട്ടൂണിസ്റ്റുകളില്‍ ഒരാളായിരുന്ന കാര്‍ട്ടൂണിസ്റ്റ് ശങ്കര്‍ എന്ന കെ. ശങ്കരപിള്ള 1902ല്‍ ആലപ്പുഴയിലെ കായംകുളത്താണ് ജനിച്ചത്. 1932ല്‍ പോത്തന്‍ ജോസഫിന്റെ പത്രാധിപത്യത്തിലുള്ള ഡല്‍ഹിയിലെ ഹിന്ദുസ്ഥാന്‍ ടൈംസില്‍ ജോലിയില്‍ പ്രവേശിച്ചു. 1948ല്‍ അദ്ദേഹം ശങ്കേഴ്‌സ് വീക്ക്‌ലി ആരംഭിച്ചു. 27 കൊല്ലം തുടര്‍ന്ന ‘ശങ്കേഴ്‌സ് വീക്ക്‌ലി’ 1975ല്‍ അടിയന്തിരാവസ്ഥക്കാലത്ത് പ്രസിദ്ധീകരണം നിര്‍ത്തി. 1955 രാഷ്ട്രം പദ്മശ്രീ നല്‍കി ആദരിച്ച അദ്ദേഹത്തിന് 1966ല്‍ പദ്മഭൂഷണും 1976ല്‍ പദ്മവിഭൂഷണും ലഭിച്ചു. 1989 ഡിസംബര്‍ 26ന് അദ്ദേഹം അന്തരിച്ചു.
The post കാര്‍ട്ടൂണിസ്റ്റ് ശങ്കറിന്റെ ജന്മവാര്‍ഷിക ദിനം appeared first on DC Books.