പാരീസ് ഭീകരാക്രമണത്തെ തുടര്‍ന്ന് ബെല്‍ജിയം തീവ്രവാദ വിരുദ്ധ സേന നടത്തുന്ന റെയ്ഡുകള്‍ തുടരുന്നു. തീവ്രവാദബന്ധമുണ്ടെന്ന് സംശയിക്കുന്ന 16 പേരെ കൂടി സേന അറസ്റ്റുചെയ്തു. ഞായറാഴ്ച മാത്രം 22 റെയ്ഡുകളാണ് നടത്തിയത്. മൊളന്‍ബീക്കില്‍ റെയ്ഡിനിടെ നിര്‍ത്താതെ പോയ കാറിനു നേരെ പോലീസ് രണ്ട് റൗണ്ട് വെടിയുതിര്‍ത്തു. വെടിവെപ്പില്‍ ഒരാള്‍ക്ക് പരിക്കേറ്റിരുന്നു. റെയ്ഡുകളില്‍ ആയുധങ്ങളോ സ്‌ഫോടക വസ്തുക്കളോ കണ്ടെത്തിയിട്ടില്ലെന്നും അധികൃതര്‍ അറിയിച്ചു. നവംബര്‍ 13ന് പാരീസിലുണ്ടായ ആക്രമണത്തില്‍ 130 പേര്‍ മരിക്കുകയും 350ലേറെ പേര്‍ക്ക് പരിക്കേല്‍ക്കുകയും ചെയ്തിരുന്നു.
The post പാരീസ് ഭീകരാക്രമണം: 16 പേര്‍ അറസ്റ്റില്‍ appeared first on DC Books.